Le collectif des victimes de la catastrophe de Furiani communique suite au derby
(A redazzioni d'Alta Frequenza) - Dopu à u derby trà u Sporting Club di Bastia è l'AC Aiacciu di sabbatu scorsu, u cullettivu di i vittimi di a catastrofa di Furiani hà tinutu una cunfarenza di stampa. Dicendu torna chì certi di issu cullettivu, prisenti à u stadiu issa sirata quì, ani intesu canti liati cù a catastrofa di Furiani da a parti di parsoni prisenti ind'a parti visitori di u stadiu, u cullettivu hà prisintatu una videò à i ghjurnalisti prisenti. Quissa quì, senza sonu ci voli à pricisà la, mostra parechji volti una parsona prisenti ind'a parti visitori di u stadiu, alzà i bracci, ripruducendu u sciffru 5 cù a so manu manca eppo quilla à diritta, pà fà falà dopu quissa quì à tempu. U cullettivu hà annunziatu ch'ellu ùn punaria micca una lagnanza, pà fà piantà a pulemica. Ma issu stessu cullettivu hè statu assai chjaru : una lagnanza sarà posta oramai ogni volti chì a mimoria di i vittimi sarà tocca. Infini, quissu quì hà dittu ch'ellu facia nisun cunfusioni trà u cumpurtamentu solu di certi parsoni è l'ACA o i so clubs di sustenidori, ma dinò ch'ellu pighjava a pratesa di nisun club, issu cullettivu raprisintendu tuttu simpliciamenti i vittimi di Furiani, certi ùn avendu mancu più raporti cù u mondu di u ballò dapoi tandu.
Ecoutez Lauda Guidicelli, pour le collectif.
Sur le même sujet
