Le collectif des victimes du 5 mai 1992 adresse une lettre au président de la République
(A redazzioni d'Alta Frequenza) - Più di 300 parsoni ani ripostu arisera (ghjovi) à a chjama à l’adunita davanti à a prifittura di Corsica Suprana lampata da u cullettivu di i vittimi di a catastrofa di Furiani. Simplici citadini, sustenidori, ghjucadori è dirighjenti di u SC Bastia, omi pulitichi è vittimi erani quì pà stà à senta i membri di u cullettivu. Quissi quì, chì ùn sperani più nulla da l’istanzi di u ballò chì parini avè poca primura di issu cartulari, ani dicisu di ghjirà si versu u presidenti di a Republica, François Hollande. È issa lettara si scrivi ind’u listessu scopu cà tutti i dimarchji fatti da u cullettivu dipoi u 2011, vali à dì una sacralisazioni sana è difinitiva di a data di u 5 di maghju inde u ballò francesi, mentri chì trè partiti di Lega 1 si ghjucarani u 5 di maghju chì veni. U cullettivu chjama à u presidenti è à a ministra di i Sports è di a Ghjuventù, Valérie Fourneyron, chì ani spressu tramindui in u 2012 u so sustegnu à a pruposta, da fà chì a prumessa fatta da François Mitterrand à u lindumani di a catastrofa sighi rispittata infini. Una lettara hè stata rimissa à i servizii di a prifittura chì a trasmittarani da quì à pocu à l’Elysée.
On écoute Didier Grassi.
Sur le même sujet
