Le collectif du 5 mai 1992 a rencontré le préfet de Haute-Corse
(A redazzioni d'Alta Frequenza) - U cullettivu di u 5 di maghju di u 1992 ùn cappia nulla dopu à a dicisioni di a Federazioni Francesi di Ballò chì ùn hà micca vulsutu di una sacralisazioni tutali di a data di u 5 di maghju in umaghju à i morti è feriti di a catastrofa di Furiani. A prova si n'hè cù issu scontru trà i membri di u cullettivu è u prifettu di Corsica Suprana, Louis Lefranc, chì s'hè tinutu issu luni. Sicondu u cullettivu, u prifettu s'hè ingaghjatu à essa a leia è l'intrapretu di a rivindicazioni di ùn ghjucà più nisun scontru un 5 di maghju in Francia da u cantu di u guvernu, mentri chì dui prughjetti di legi sò stati posti à l'Assemblea Naziunali. Rammintemi chì a ministra di a ghjuventù è di i sports, Valérie Fourneyron, hà affirmatu ind'una lettara à u presidenti di a CTC Paul Giacobbi di sittembri scorsu chì u ricordu di issa tragedia ghjustificheghja chì a data anniversariu di u 5 di maghju sighi sacralizata à u nivellu naziunali. U cullettivu aspetta da u guvernu una presa di pusizioni assai chjara, aspittendu più nulla da l'istanzi di u ballò, scunsidarati da u cullettivu.
