Le collectif Mai Più veut se battre contre l'insécurité en Corse
(A redazzioni d'Alta Frequenza) - U cullittivu Mai Più, criatu d’aprili scorsu dopu à l’agressioni di una ghjuvanotta ind’i carrughji d’Aiacciu, hà urganizatu sabbatu una cunfarenza di stampa. Una cumunicazioni pà prisintà a dimarchja di u cullittivu chì si voli batta contr’à l’insecurità annant’à l’isula è pricisanni l’azzioni. Ss’urganisazioni, chì si difinisci com’è apulitica, faci cunnoscia a so zerga di pettu à i sfarenti agressioni accaduti par asempiu ss’ultimi mesi in Corsica contr’à ghjovani o parsoni anziani. Pà Mai Più, i parolli « rispettu » è « sulidarità » sò mandati à caternu oghji, ed hè par quissa ch’ellu lampa una chjama à tuttu u populu corsu, tuttu insemi, pà una riazzioni.
Steti à senta à Frédéric Colonna d'Istria, unu di i fundatori di u cullittivu Mai Più.
