Le Collectif Xylella Fastidiosa inquiet et dans l'expectative
(A redazzioni d'Alta Frequenza) - Dopu avè invaditu a riunioni di crisa di ssu vennari ind'i lucali di l'ODARC pà fassi senta, u Cullittivu Xylella Fastidiosa hè nè rassicuratu pà daveru, nè veramenti inchietu à più pudè. S'è a dichjarazioni di parechji casi in più di a malatia pò fà nascia un certu timori, faci spuntà soprattuttu dumandi, soprattuttu annant'à a manera d'agiscia di u Statu pà i sittimani chì venini. S'è u prifettu di Corsica hà dittu torna chì l'impurtazioni di i varietà vegetali chì poni essa cuntaminata sarà pruibita, u Cullittivu voli un blucchimi sanu di parechji mesi annant'à i pianti è l'arburi chì ghjunghjini da u fora di l'isula. Dinò, u Cullittivu ùn hè micca statu intesu in a so rivindicazioni di participà à i riunioni chì sarani urganizati ogni sittimana trà tutti l'attori, ancu s'ellu sarà raprisintatu di manera micca diretta da certi membri soii.
Steti à senta à Yvan Popoff, oliecultori in Santu Petru di Tenda, chì faci parti di u Cullittivu.
