Le comité de suivi des fonds européens s'est réuni durant deux jours en Corse
(A redazzioni d'Alta Frequenza) - U cumitatu di seguita di i fondi aurupei, quillu nant'à u periudu 2007 / 2013, s'hè adunitu duranti dui ghjorni in Corsica. Servizii di u Statu, Cullettività di Corsica è direzzioni ghjinirali di i rughjoni aurupei si sò riuniti pà studià, evaluà è quand'ella ci vulia mudificà l'utilisazioni di i fondi aurupei in Corsica; si tratta in fatti d'assicurà si chì l'esecuzioni è u finanziamentu di i prugrammi aurupei in Corsica si passani bè. Issa 9a riunioni di u cumitatu di seguita hà chjosu dunqua l'eserciziu 2007 / 2013 eppo hà finitu d'appruntà a futura prugrammazioni finanziaria pà u periudu 2014 / 2020. Una riunioni impurtanti parchì di a bona utilisazioni di issi fondi aurupei dipendini à maiò parti i prugrammi à vena; di modu chjaru, s'è issi finanziamenti sò stati utilizati pocu è micca, quilli à vena sarani più bassi. Ci voli à sapè chì pà u periudu chì si compii, 285 millioni d'auri à l'ingrossu sò stati dati da a cumunità aurupea in Corsica è chì pà schisà a famosa regula ditta di u "dégagement d'office", omu hà intaressu à utilizà meghju issi fondi. Comu a Corsica hè riisciuta à sorta da a situazioni finanziaria difficiuli prisenti in Bruxelles, in Parighji è in Aiacciu?
Écoutons le sentiment de Lucio Paderi, le rapporteur régional de la direction générale Regio des instances européennes.
Sur le même sujet
