Le conflit perdure à la mission locale d'Ajaccio
(A redazzioni d'Alta Frequenza) - I salariati STC accupani dipoi arimani (ghjovi) i lucali di a missioni lucali d'Aiacciu. Un cunsighju d'amministrazioni strasudinariu s'hè tinutu d'altrondi eri in fini di dopu meziornu, ma i neguziazioni cù a direzzioni sò fiascati. Rivindicazioni frà altru à u nivellu di a crescita di u tempu di travaghju à 37 ori è 30 da pudè avè i ghjorni di l'ARTT. Affari da mighjurà, sicondu Jean-Toussaint Poli, i cundizioni d'accolta. Di pettu à prublemi finanziari pussibuli di a missioni lucali, i sindicati pruponini di ghjirà si ver di i puteri publichi, da acquistà calchì aiutu, è risponda cusì à i sfarenti dumandi. L'accupazioni di i lucali pudaria essa prulungata, s'è ùn ci duvia micca essa risposta da a parti di a direzzioni, è senza un intrattenu novu nanzi à a fini di a ghjurnata.
Ecoutez Jean-Toussaint Poli
Sur le même sujet
