Le conseil municipal de Bastia évince Julien Morganti de son poste d'adjoint
(A redazzioni d'Alta Frequenza) - Hè cù i sciaccamanati di i difensori di u MCD prisenti duranti u cunsighju municipali di Bastia chi l'omu di cunfidenza di François Tatti, Julien Morganti, hè ghjuntu com'è quattriesimu aghjuntu à u merri, eppo dui ori dopu, hè partutu com'è simplici cunsighjeru municipali. In fatti, dopu à un votu cù bigliettini sicreti, vintisetti cunsighjeri municipali ani vutatu contr'à u mantenimentu di Julien Morganti ind'i so funzioni, ottu ani vutatu à prò, mentri chì i gruppi di Jean Zuccarelli è Francis Riolacci ùn ani micca vutatu. Nanzi à ssu votu, i presi di parolla di Gilles Simeoni è François Tatti sò stati propiu putenti. U primu hà rimpruvaratu à u sicondu i so critichi à parechji di l'azzioni purtata da a maghjurità municipali è dinò à u nivellu di u cunsighju cumunitariu, mentri chì François Tatti hà qualificatu Gilles Simeoni d'omu di u passatu chì custruisci un clanu novu è chì hè in cerca di u puteri.
Steti à senta à Gilles Simeoni, u merri di Bastia.
Sur le même sujet
