Le corps retrouvé près de Cambia pourrait bien être celui d'Yves Louÿs
(A redazzioni d'Alta Frequenza) - Duranti una cunfarenza di stampa ssu vennari, u vici prucuratori di a Republica di Bastia, Jean Luc Lennon, hà cunfirmatu dopu à parechji spertizii chì u cadavaru chì hè statu trovu vicinu à Cambia duvaria essa quillu d’Yves Louÿs, sparitu dipoi u mesi scorsu. Ci voli à dì chì malgradu u fattu chì carti d’identità di a vittima sighini stati scuparti nant’à ssu cadavaru, è chì i panni trovi cuncurdessini, l’analisi ADN sò aspittati par avè una cunfirmazioni. È ancu s’è u cadavaru hè statu ritrovu cù assai piombi ghjunghjendu forsa da un fucili di caccia è tirati ind’u spinu da un colpu solu, malgradu i missi in asamini di a so cumpagna è di un amicu, i fatti ùn sò ancu qualificati par avà è rilevani sempri di u rapimentu è d’avè sarratu una parsona in casa, una terza parsona essendu stata missa in asamini pà una falsa tistimunianza.
Steti à senta à Jean Luc Lennon, u vici prucuratori di a Republica di Bastia.
