Le découpage cantonal sème la zizanie dans les bureaux de vote à Bastia
(A redazzioni d'Alta Frequenza) - Un affari chì hà nè capu nè coda, eccu com'ellu si pudaria riassuma ciò chì hà da aspittà parechji alittori bastiacci chì cambiarani di scagnu di votu à l'uccasioni di i dipartimintali di u 22 è di u 29 di marzu. In fatti, Bastia hè passata da sei à quattru cantoni cù i cambiamenti chì tuttu què hà inghjinnatu. Una municipalità chì hè stata spettatrici di l'urganisazioni nova dicisa da u ministeru di l'Internu chì inghjenna parechji incuerenzi. Quartieri storichi com'è San Ghjiseppu o altru com'è u Fangu sarani smizati, cù carrughji induva un cantu vutarà in un cantonu è l'altru inde l'altru. Scagni chì ani da spariscia, com'è quillu di a casa di l'associ, altri ani da cambià di locu, com'è quillu di Jean Nicoli trasferitu à l'IRA, è certi ani da accoglia alittori di quartieri luntani, u casu u più putenti essendu quillu di i scagni di a scola Amadei in Paese Novu chì hà da riceva alittori ghjunti da Cardu. I scagni di a scola di Toga è di Notre Dame de Lourdes sò i soli à ùn cambià micca ind'u so locu è a so cumpusizioni. À partasi di ssu vennari, a merria mittarà in ballu un numaru di telefunu, u 04 95 55 95 70, pà pudè aiutà l'alittori persi in ssi cambiamenti.
Steti à senta à Pierre Savelli, aghjuntu à u merri di Bastia in carica di l'alizzioni.
Sur le même sujet
