Le département de la Haute-Corse face à la forte baisse de la dotation de l'Etat
(A redazzioni d'Alta Frequenza) - Ssu ghjovi, c'era una sissioni nova di u cunsighju generali di Corsica Suprana. Ind'u prugramma, fora di a prisintazioni di u bilanciu annuali di i servizi di u Statu da u prifettu di Corsica Suprana Alain Rousseau, altri cartulari impurtanti, ch'ellu si trattessi di i difficultà scuntrati da i spignifochi furestieri chì vedini a cuntribuzioni di u Statu calà assai prima di spariscia in u 2016, a lotta contr'à a viulenza annant'à i donni o ancu u bughjettu mudificativu, è c'hè nentru à quissu quì un'infurmazioni maiò. In fatti, mentri chì u dipartimentu di Corsica Suprana aspittava, senza avè bughjettizatu malgradu tuttu ssi soldi, guasgi deci millioni d'auri d'aiuti di u Statu ind'u quadru di a perequazioni, solu 1,7 millioni hè statu datu infini à u dipartimentu. Un tafonu virtuali d'ottu millioni d'auri chì t'avarà cunsiquenzi bè riali, certi azzioni di u cunsighju generali videndu i so mezi più bassi cà privistu.
Steti à senta à Marie Hélène Djivas, direttrici generali di i servizi.
