Le directoire de la SNCM pas reconduit
(A redazzioni d'Alta Frequenza) - U cunsighju di survighjenza di a SNCM, adunitu ssu dopu meziornu (luni) in Marseghja, ùn hà micca rinnuvatu a so cunfidenza à u direttoriu di Marc Dufour. In fatti, i sei amministratori di Transdev, l'azziunariu principali di a cumpagnia marittima, ani ricusatu di ricunducia u direttoriu chì duvia veda u so mandatu compiu à a fin du mesi. I quattru raprisintanti di l'azziunarii salariati è u presidenti di u cunsighju di survighjenza ani vutatu pà a prulungazioni di u so mandatu, mentri chì i trè amministratori di u Statu ùn si sò micca prununziati, mandendu fora à Marc Dufour. Un cunsighju di survighjenza novu sarà urganizatu u 28 di maghju pà sceglia u novu direttoriu.
Steti à senta à Frédéric Alpozzo, pà a CGT di i marinari di a SNCM.
Sur le même sujet
