Le dossier de la desserte aérienne de la Corse au programme des questions orales à l'Exécutif
(A redazzioni d'Alta Frequenza) - L'assemblea di Corsica hè adunita pà a prima volta di l'annu oghji (ghjovi), pà una sissioni chì hà da durà dui ghjorni. À u prugramma di issa matinata, i quistioni urali à l'Esecutivu, chì si pudiani suvità com'è sempri in direttu è di modu sanu nant'à i nostri ondi. Ind'i quistioni privisti, c'era u cartulari impurtanti nant'à u serviziu aereu di a Corsica. Michel Stefani, pà u gruppu "Cumunisti è Citadini di u Fronti di Manca", s'hè intarissatu à quissu quì. Vultendu nant'à i difficultà d'ogni ghjornu chì toccani a cuntinuità tarrituriali, l'elettu cumunistu vulia sapè s'ellu era pussibuli d'urganizà una riunioni cù u guvernu "da rializà i currezzioni indispinsevuli à u nivellu finanziariu è di i reguli, parmittendu à a CTC di ritruvà a so capacità piena è sana di i so cumpetenzi in issu duminiu". Pà Paulu Giacobbi, chì rispundia in rimpiazzamentu di Paulu Maria Bartoli, malatu, ùn si pò micca pinsà "di priveda una crescita di a dutazioni di cuntinuità". U mantinimentu di l'ingaghjamenti attuali, saria, sempri sicondu à Paulu Giacobbi, dighjà un elementu pusitivu. Malgradu tuttu, u presidenti di l'Esecutivu hà dichjaratu ch'ellu saria senza pietà ver di Air France è i so ubligazioni prisenti è à vena.
Écoutez Paul Giacobbi.
