Le dossier de la voie douce de Bastia fait débat
(A redazzioni d'Alta Frequenza) - C'era arisera (luni) un novu cunsighju municipali in Bastia. S'è l'ambiu era appena più calmu cà d'abitudini, calchì sughjettu hà fattu nascia u dibattitu. Ùn erani micca sughjetti accumpagnati di una passioni traputenti, ma ani parmissu quantunqua à l'uppusizioni municipali, vali à dì u gruppu Inseme per Bastia, di sprima i so dubbiti. Un cartulari in particulari hà fattu spuntà intarrugazioni da a parti di ssu gruppu, quillu di a missa in ballu di una via di circulazioni pà i parsoni à pedi è quilli nant'à bissicletti in Bastia, da u portu di Toga à l'Arinella, è più particularmenti u raportu nant'à u finanziamentu di quissa quì. In fatti, ùn ci hè cà u primu settori andendu da Toga à a calata di u vechju portu duvia essa vutatu subbitu pà una presa in carica ind'u quadru di u prugrammu INTERREG, è di u FEDER 2007-2013. Un raportu di finanziamentu è una dumanda d'aiuti chì, fora di u fattu chì Inseme per Bastia ùn hà micca vutatu, hà ricivutu voti pusitivi. Di pettu à u dubbitu dinunziatu da l'uppusizioni, u merri di Bastia ricunnosci chì pà i trè altri settori, i studii fini ùn sò micca stati rializati par avà, spiechendu sicondu ellu a sfarenza trà a prima valutazioni di u prughjettu sanu à 8 millioni d'auri, è a so valutazioni oghji à 11,5 millioni d'auri.
On écoute le maire de Bastia, Emile Zuccarelli.
