Le dossier phare de la mandature Giacobbi, le PADDUC, en discussion à l'assemblée de Corse
(A redazzioni d'Alta Frequenza) - Un cartulari solu oghji (ghjovi) annant'à u scagnu di l'assemblea di Corsica, è un raportu di primura : l'aduzzioni di u prughjettu maiò di a mandatura attuali di Paul Giacobbi, u famosu PADDUC. Un raportu solu, ancu s'ellu s'hè parlatu stamani, duranti i quistioni urali, d'altri affari. Quistioni à bocca chì sò stati posti à l'Esecutivu senza u so presidenti, postu chì Paul Giacobbi era ritinutu in fatti in Parighji par via di a greva inde l'avviò. Hè dunqua dopu meziornu ch'ellu hà da principià "U" dibattitu maiò pà l'aduzzioni di u cartulari chì difinisci l'avvena di a Corsica pà i dicennii chì venini. Si trattarà di un'aduzzioni di u prughjettu, ma nanzi à a prisintazioni in inchiesta publica, vali à dì chì una volta ch'ella sarà rializata ss'inchiesta publica, u PADDUC vultarà davanti à l'assemblea di Corsica pà un'aduzzioni difinitiva. Emi intesu stamani, è annant'à un pianu assai generali, u sintimu di Maria Giudicelli, a mamma di u PADDUC. Hè appena intimurita pà ciò chì tocca a manera com'ellu s'ani da passà i dibattiti, mentri chì a Corsica hà cunnisciutu ssi pochi tempi calchì evenimentu à u nivellu puliticu ?
Steti à senta à Maria Giudicelli, a cunsighjera esecutiva in carica di u PADDUC.
Sur le même sujet
