Le Festival Jazz Equinoxe à Bastia va fêter sa quinzième édition en 2014
(A redazzioni d'Alta Frequenza) - D'aprili di u 2014, u fistivali Jazz Equinoxe, urganizatu in Bastia, hà da fistighjà a so quindicesima edizioni. Criatu in u 2000, ssu fistivali cunsacratu prima à u jazz è à u blues s'hè apartu à pocu à pocu à altri stili, tinendu a so duminanti jazz malgradu tuttu, ciò chì parmetti à ghjenti micca avvezzi è chì pudariani essa intarissati da i lati blues o rock di a prugrammazioni di scopra ssu stili musicali. Pà a so quindicesima edizioni, chì sarà urganizata da u 10 à è 12 d'aprili di u 2014 à u teatru di Bastia, ssu spiritu d'apartura sarà propiu quì, postu chì aldilà di u jazz, u blues è a pop sarani prisenti. U prugramma: u 10 d'aprili (ottu ori è mezu) : Hollysiz (prima parti: Paul Mancini Trio); l'11 aprili (ottu ori è mzu) : Artistu micca difinitu par avà (prima parti: Ulf Wakenius); u 12 d'aprili (novi ori) : The Golden Gate Quartet.
Steti à senta à Michel Maestracci, l'urganisatori di Jazz Equinoxe.
Sur le même sujet
