Le foncier agricole au centre d'un séminaire transfrontalier
(A redazzioni d'Alta Frequenza) - Ci era un seminariu issu marti in Bastia di u prughjettu trasfruntalieri MARTE+, chì t'hà pà scopu di fà crescia a cumpetitività di i tarritorii rurali. À fiancu à Jean Louis Luciani, presidenti di l'ODARC, ci erani raprisintanti di trè rughjoni taliani, a Tuscana, a Sardegna è a Liguria. Ghjiratu soprattuttu nant'à a guvernenza di i tarritorii, issu seminariu t'avia pà scopu di scumparta i sparienzi d'ogni rughjoni inde issu duminiu. Un inghjocu più impurtanti cà mai in Corsica, postu chì daretu à issa guvernenza si piatta appena a quistioni di u fundariu, un cartulari più cà caldu dipoi a fini di ciò chì firmava di l'arresti Miot. Postu ch'ellu hè troppu prestu ben intesu pà tirà qualsiasi cunclusioni di issu scambiu di sparienzi ind'u quadru di u fundariu agriculu in Corsica, vultemi cù Jean Louis Luciani nant'à i dispusitivi dighjà in ballu o effettivi da quì à pocu pà aiutà l'agricultori inde tutti i cumplessità di issu duminiu.
On l'écoute.
Sur le même sujet
