Le forcené de Bastia s'est rendu
(A redazzioni d'Alta Frequenza) - Dopu à quattru ori, l'omu chì s'era sarratu ind'u so HLM di Montesoru in Bastia s'hè resu à a pulizza è à a gendarmeria à dui ori è mezu. Ss'omu di 48 anni, depressivu, bipulariu è chì ùn pighja più u so trattamentu medicali, avia minacciatu in mità di matinata ssu vennari di fà saltà u so appartamentu, postu chì vicini l'ani vistu à a finestra è ani cridutu, à tortu, ch'ellu era armatu. Dopu avè fattu sorta tutti l'abitanti da i palazzi accantu è i zitelli da a scola Defendini, c'hè statu un travaghju di neguziazioni cù l'omu chì vulia parlà cù u merri di Bastia Gilles Simeoni. I neguziatori ani chjamatu dui amichi intimi di a parsona chì l'ani cunvinta infini di rendasi ind'u calmu.
Steti à senta à Alexandre Sanz, u direttori di cabinetu di u prifettu di Corsica Suprana.
