Le GFC Ajaccio, contre-exemple au football business...
(A redazzioni d'Alta Frequenza) - U GFC Aiacciu hà scrittu dunqua una paghjina gluriosa nova di a storia di u ballò corsu vennari, dopu avè acquistatu a so prima cullata in Liga 1. Un club in rumpitura tutali, ed hè logica, cù ciò ch'è no chjamemi u "football business". Cù u bughjettu u più chjucu di Liga 2, à pocu pressu 5 millioni d'auri contr'à più di 400 pà u mostru Parighji Saint Germain, hè sicura chì u GFCA t'avarà u so chì fà pà pruvà à campà in prima divisioni. Una cullata chì faci di sicuru piacè à assai mondu inde l'isula è u prima hè u presidenti di a Liga Corsa di Ballò. Dui squadri corsi in Liga 1 a staghjoni chì veni, Jean René Moracchini n'hè assai fieru.
U stemi à senta.
