Le groupe nationaliste Aiaccini se tourne vers l'avenir
(A redazzioni d'Alta Frequenza) - U gruppu naziunalistu Aiaccini, chì avia sustinutu à Simon Renucci duranti l'ultima municipali, hà urganizatu stamani (ghjovi) una cunfarenza di stampa pà fà un bilanciu di ss'alizzioni è d'apra perspettivi in casu di un'annulazioni di u scrutinu prununziata da u tribunali amministrativu. Aiaccini dici torna forti chì u numaru assai impurtanti di prucurazioni è a scuparta d'anumalii lacani pinsà à una scruccunaria urganizata à un nivellu maiò. Da un'antra banda, i naziunalisti d'Aiaccini rigrettini una volta di più l'allienza chì ùn s'hè pussuta fà trà i dui ghjiri trà Simon Renucci è a lista naziunalista Aiacciu Cità Nova, cuscenti chì u muvimentu naziunali hè passatu accantu à un'uccasioni storica. Ma pà Aiaccini, u più impurtanti hè d'appruntà l'avvena, cunvintu chì a strategia di u principiu hè a bona. U gruppu chjama di fattu à a criazioni di una struttura, un "Cumitatu Naziunalistu d'Aiacciu", pà pudè scambià upinioni, è sbuccà infini annant'à una riurganisazioni di u muvimentu naziunalistu ind'a Cità Impiriali, ind'a perspettiva d'alizzioni futuri.
Steti à senta à Jean Paul Carrolaggi, pà u gruppu Aiaccini.
Sur le même sujet
