Le maire de Corrano mis en examen et écroué
(A redazzioni d'Alta Frequenza) - Ssu vennari, u prucuratori di a Republica di Bastia, Dominique Alzeari, è u so vici prucuratori, Jean Luc Lennon, ani annunziatu l'apartura di un'infurmazioni ghjudiziaria purtata da u ghjudici Meindl di u polu ecunomicu è finanziariu, è a missa in asamini di u merri di Currà, Laurent Peraldi, pà ondici mutivi d'accusazioni. Hè suppostu chì quissu quì, chì hè statu missu in prighjoni d'altrondi, avissi fattu favuritisimu, curuzzioni, imbiacamentu, falsi è usu di ducumenti falsi, suburnazioni di testimoni, trafficu d'influenza, d'avè presu soldi publichi, di scruccunaria, di contrafattura è d'avè utilizatu scecchi contrafatti. Ssi mutivi d'accusazioni sò cumplittati da quillu d'atti contr'à a prubità publica, par via di u so mandatu di merri. U polu ecunomicu è finanziariu avia presu in manu ss'affari di farraghju scorsu, dopu à un'azzioni di u TRACFIN in u 2010. TRACFIN hà custatatu in fatti muvimenti di soldi suspetti nant'à i conti di u merri di Currà. U preghjudiziu pudaria bè essa inghjiru à più di 500 000 auri nant'à i trè ultimi anni.
Steti à senta à Dominique Alzeari, prucuratori di a Republica di Bastia.
Sur le même sujet
