Le match de barrage ACA-Toulouse délocalisé et à huis clos
(A ridazzioni d'Alta Frequenza) - Hè cascata a sintenza pà l’AC Aiacciu. U macciu si farà fora, è senza publicu. Coutadeur, Sainati è Selemani sarani suspesi pà issu scontru. « A cumbriccula hè viaghjata propiu bè », hà dittu Leon Luciani annuncendu issa nova. Pà u prisidenti, beddu in zirica parvia di a sintenza, l’affari « ùn hè chè puliticu », basta à veda quant’iddi sò stati l’intarvinzioni fatti, à l’altu llu statu, da metta a prissioni à i stituzioni spurtivi. Hà allistinatu dinò, u prisidenti Luciani, tanti fatti, successi tali è quali in altrù, è chì nimu n’hà parlatu mai, nè in a stampa francesa, nè in i curridori lli scagni parigini. À senta lu, a cumissioni di disciplina hè suttimissa à u puteri, è ni voli fà a dimustrazioni da quì à pocu. Puri cuntistendu a dicisioni, a squadra farà u viaghju pà issu primu scontru, ch’ùn hè suspinsivu l’appellu. Par avali, ùn si sà ancu ind’iddu si ghjucarà, dumani, à 9 ori menu un quartu lla sera.
Parla Leon Luciani, u Prisidenti di l’AC Aiacciu
