Le nouveau préfet de Corse Bernard Schmeltz déjà au fait des différents dossiers chauds
(A redazzioni d'Alta Frequenza) - Ùn c’hè micca un fogliu di strada particulari pà Bernard Schmeltz, u novu prifettu di Corsica, chì hà presu i so funzioni ssu marti. In fatti, u principiu di cuntinuità di u Statu s’imponi è u novu prifettu ripighjarà dunqua l’urientazioni di Christophe Mirmand. Bernard Schmeltz s’hè dighjà impastatu grazia à picculi fisci appruntati cù a manera di i cartulari maiò chì l’aspettani in Corsica, ma si pò dì un affari, chì ùn hè micca una surpresa : cuntinuarà ciò ch’ellu hà dighjà difinitu u guvernu pà ciò chì cuncerna u cartulari corsu. Riforma di u tarritoriu, cullittività unica, rumenzuli, u prifettu cunnosciaria i difficultà chì l’aspettani nant’à l’isula à u nivellu di tutti ssi cartulari caldi. Sarà d’altrondi in a sittimana in Parighji cù a dilegazioni d’eletti isulani chì scuntrarà torna à Jean Michel Baylet. Bernard Schmeltz ritrova a Corsica dopu una trentina d’anni, in un cuntestu puliticu guasgi à l’uppostu di pettu à ciò ch’ellu hà cunnisciutu.
Eccu l’intervista di u novu prifettu di a regioni.
Sur le même sujet
