Le pacte de responsabilité et de solidarité présenté par le préfet de Corse
(A redazzioni d'Alta Frequenza) - U pattu di rispunsabilità è di sulidarità, direttiva nova di u guvernu pà escia di manera effettiva da a crisa, hè statu prisintatu oghji (marcuri) à a stampa da u prifettu di Corsica. Suvitarani dopu una seria di riunioni cù l'attori di a vita ecunomica di l'isula; a prima sarà urganizata à u Palazzu di i Cungressi d'Aiacciu u 19 di ghjunghju. U Pattu si situeghja ind'un cuntestu di ripresa ecunomica ma chì par disgrazia ùn faci micca cambià i sciffri di u disimpiegu. S'arremba à quattru puntelli essenziali: a callata di u costu di u travaghju, a simplificazioni amministrativa, una paga più bona pà u travaghju è a mubilisazioni pà l'impiegu. Pà sbuccacci, misuri sarani missi in opara pà l'intrapresi è altri cunsacrati à i famighji; ci vultaremi. Hè particularmenti vera in Corsica induva segni di ripresa cumenciani à spuntà è à essa misurati, Banca di Francia, Servizi Fiscali, ma induva u disimpiegu campa torna cù forza. L'inchietudini spressi di pettu à i cunflitti suciali, prisenti o à vena, è pà a staghjoni d'istati facini impeghjuriscia a situazioni, eppuru i raghjoni di spirà asistini com'ellu a ci dici Christophe Mirmand, u prifettu di Corsica.
Steti à senta u prifettu di Corsica.
