Le PADDUC phase 2 : c'est parti !
(A redazzioni d'Alta Frequenza) - U Padduc, o in tutti i casi a siconda parti di quissu quì, hè stata prisintata stamani (vennari) in Aiacciu. Lanciata di sittembri di u 2010, l'elaburazioni di u pianu di sviluppu durevuli di a Corsica hè intruta ind'un mumentu attivu, cù u principiu di a siconda tappa, seguita dunqua di l'assisi di u fundariu è di l'alloghju, eppo quilli di u liturali. Dopu à u dibattitu d'urientazioni pulitichi, validatu da l'Assemblea di Corsica d'istati scorsu,s'entri oramai inde u PADD chì hè in fatti u latu tennicu di u mudellu di sviluppu. À traversu tutta una seria di riunioni, d'attelli ditti "transversaux" righjunali è d'attelli dicintralizati, si tratta di difiniscia i mezi è l'arnesi à metta in ballu pà sbuccà nant'à l'elaburazioni di u Padduc. Issu travaghju duvaria essa finalizatu à a fin di l'istati, cù una prisintazioni davanti à l'Assemblea di Corsica d'uttrovi. S'è u dibattitu di stamani, hà parmissu, torna, di mustrà un accunsentu largu nant'à a forma di a dimarchja, pari bè chì à partasi da u mumentu duva s'entri ind'a cumplessità di l'affari, i difficultà ghjunghjini à parechji, ciò chì ùn scuragisci micca à Maria Giudicelli, chì porta issu cartulari dipoi parechji mesi.
Écoutons la conseillère exécutive chargée du Padduc.
Sur le même sujet
