Le Padduc, un véritable choix de société
(A redazzioni d'Alta Frequenza) - Quattru anni di travaghju, di riunioni, d'analisi è di spertizi. Deliberazioni è dibattiti à l'Assemblea di Corsica è ssu 31 d'uttrovi l'aduzzioni difinitiva di u PADDUC dopu à 48 ori di discussioni novi è d'asamini d'amendamenti assai numarosi. Pà Maria Giudicelli, chì hà purtatu ssu ducumentu, aldilà di a suddisfazioni di l'aduzzioni di u Padduc, hè dinò u votu pusitivu di 38 eletti ch'ellu ci voli à ritena. S'è a cunsighjera esecutiva hà rigrittatu a partenza di a diritta, hà incalcatu assai è cù cuntintezza annant'à l'impegnu di l'eletti naziunalisti. Un ducumentu utuli à a Corsica chì avarà trapassatu i diffarenzi à parechji è ch'ellu ci voli à fà campà oramai. Una prima tappa essenziali ver di un prucedimentu più largu di a missa in appiecazioni di ciò chì hè difinitu com'è una scelta di sucità. Maria Giudicelli sarà l'invitata di a nostra emissioni Sucità Viva tutta a sittimana chì veni, à partasi di quattru ori è mezu.
Steti à senta à Maria Giudicelli.
Sur le même sujet
