Le Parti Radical de Gauche de Haute-Corse suspend François Tatti
(A redazzioni d'Alta Frequenza) - Una dumenicata sola hè bastata pà fà schjattà l'unioni di a manca in Bastia. In fatti, l'annunziu di François Tatti di parta solu pà i municipali di u 2014 in Bastia lacava pinsà chì ci pudariani essa muvimenti nentru à u Partitu Radicali di Manca di Corsica Suprana, induva ellu avia postu prima una candidatura pà primarii interni contr'à Jean Zuccarelli nanzi di ritirà si. Muvimenti chì forsa ùn erani micca aspittati cusì in freccia, parchì u presidenti di u PRG di u Cismonti, Alex Alessandrini, hà dicisu issa dumenica da mani di suspenda François Tatti, è di rializà una prucedura di sclusioni contr'à ellu à u nivellu naziunali. U scartu si faci di più in più maiò è assai in furia trà l'ecchisi aghjuntu d'Emile Zuccarelli, è u Partitu Radicali di Manca, chì mandarà à Jean Zuccarelli à a battaghja di i municipali in u 2014, è a perspettiva di un'unioni à u sicondu ghjiru trà Tatti è u candidatu ufficiali s'alluntaneghja di più in più dinò.
Ecoutez Alex Alessandrini, président du PRG 2B.
Sur le même sujet
