Le plus grand centre commercial de Corse, l'Atrium, a ouvert ses portes à Sarrola Carcopino
(A redazzioni d'Alta Frequenza) - Inaugurazioni ssu marti à sera di "u centru cummirciali u più maiò di Corsica". Parsunalità di u mondu ecunomicu è puliticu erani prisenti inde u Centru Atrium di Sarrula Carcupinu purtatu da Patrick Rocca. L'uccasioni d'amintà cun ellu a pulitica cummirciali di un'impiantazioni simuli, i scelti di sviluppu fatti pà un rughjonu, ma dinò a pulitica di i prezzi è di u sviluppu di i filieri lucali alimentarii, o ancu a cuncurrenza cù u centru cità. Un intrattenu chì hà parmissu dinò di parlà di a custruzzioni di un ghjiratoghju à l'intrata di u centru cummirciali duranti a nuttata nanzi à a so inaugurazioni. Una custruzzioni chì hà inghjinnatu parechji ingorghi fin'è u centru cità d'Aiacciu è ancu una riazzioni di scuntintezza di u so merri, Laurent Marcangeli. "Ssi travaghji sò stati intrapresi senza nisun infurmazioni prima à i direzzioni di a Cità è di a Cumunità d'Agglumerazioni di u Paesi Aiaccinu. Socu cuscenti di a nicissità di securizà l'accessu d'una zona chì hà da cunnoscia da quì à calchì ghjornu un'affluenza assai impurtanti. Malgradu tuttu, l'abitanti di u paesi aiaccinu ùn poni micca essa prighjuneri di travaghji à l'ultima minuta in un cuntestu assai custrettu", hà dittu u merri in un cumunicatu.
Riazzioni è risposta di Patrick Rocca.
Sur le même sujet
