Le point sur la rentrée scolaire à Bastia
(A redazzioni d'Alta Frequenza) - 2936 zitelli ani ripresu a strada di i scoli materni è primari di a cità di Bastia. Un sciffru chì cala appena, ma chì inghjinnarà nisuna sarratura di scola. È com'è pà a riintrata passata, a prublematica di i ritimi sculari t'hà un postu impurtanti. Dopu à un principiu appena difficiuli sicondu certi parenti d'elevi annu à u nivellu di a varietà è di a qualità di l'attività pruposti, i servizi di a merria di Bastia, grazia à un'annata sculari di sparienza è di ritorni, ani dicisu di rinfurzà l'attività chì ani avutu u più successu è d'allargà i so pussibilità cù nuvità, par asempiu un numaru più impurtanti d'associ impignati. Tuttu què cù un bughjettu di 787 000 auri, frà i quali 400 000 à a carica di a cità. S'è u cartulari di a delucalisazioni di i sculari di a scola Gaudin pà a riintrata chì veni par via di i travaghji di u novu parking hè dighjà annant'à a tola, ci sò dinò innuvazioni duranti ssa riintrata, com'è a missa in ballu di una scola specifica pà i zitelli autisti in a scola materna Georges Charpak di Toga.
Steti à senta à Ivana Polisini, aghjunta à u merri di Bastia in carica di a pulitica educativa.
