Le président de l'ANRU, François Pupponi, sur le terrain à Bastia
(A redazzioni d'Alta Frequenza) - L'Agenza Naziunali pà u Rinnovu Urbanu. Daretu à ss'urganisimu maiò chì gistisci à u nivellu naziunali parechji milliardi d'auri d'investimentu c'hè un Corsu, François Pupponi, u diputatu è merri PS di Sarcelles chì hè u presidenti di l'agenza dipoi u mesi di nuvembri. Ciò chì spiega, pà ssa fini di i vacanzi in u so paesi d'urighjini, un picculu viaghju urganizatu in Bastia cù u prifettu di Corsica Suprana, Alain Thirion, è u merri di Bastia, Gilles Simeoni. Trà u centru anzianu è i quartieri di u meziornu, hà pussutu custatà l'investimenti rializati grazia à u prima pianu ANRU, par asempiu u centru culturali di i quartieri à u meziornu, l'Alb'Oru, chì hà da apra à a fin di u mesi. L'uccasioni pà François Pupponi di cumincià dighjà, cù l'eletti, l'urganisazioni pà u sicondu pianu ANRU, chì cuncirnarà Bastia, chì ferma ind'u bisognu d'investimenti simuli.
Steti à senta à François Pupponi, u presidenti di l'ANRU.
Sur le même sujet
