Le président de McDonald’s France affirme que "le département dans lequel il y a le plus d’obèses est la Corse"
(A redazzioni d'Alta Frequenza) - Jean Pierre Petit, u presidenti di McDonald's Francia, hà dittu stamani (vennari), nant'à l'ondi di France Info, chì u "dipartimentu francesi induva ci hè u più ghjenti in situazioni d'ubesità hè a Corsica", prima di pricisà, chì in Corsica, "ùn ci n'hè micca McDo". Ben intesu, hè un argumentu pà dimustrà chì a filiera di risturazioni rapida "McDonald's" ùn hè mancu appena rispunsevuli di l'ubesità custatata in Francia. Ssa rimarca di Jean Pierre Petit stupisci daveru. Soprattuttu quandu si sà chì l'ultimu studiu nant'à l'ubesità, rializatu da l'INSEE in u 2007, dimostra, à u cuntrariu, chì a nostra isula hè una di i menu tocchi da ssu fenomenu. Di manera più glubali, i rughjoni i menu tocchi da l'ubesità sò ind'u meziornu è ind'u latu punenti di a Francia, è a Corsica. I rughjoni i più cuncirnati sò l'Ile de France, u nordu è u latu livanti di a Francia.
Sur le même sujet
