Le président du SC Bastia revient sur le dossier du nouvel entraîneur
(A redazzioni d'Alta Frequenza) - Vintiquattru ori dopu à u ricusu di Frédéric Antonetti d'intrenà u Sporting Club di Bastia, Pierre Marie Geronimi, u presidenti bastiacciu, hè vultatu annant'à quissu quì. Rispittendu a dicisioni di u coach natu in Vinzulasca, Pierre Marie Geroniimi spiega chì dopu à un ultimu intrattenu ghjovi dopu meziornu, Frédéric Antonetti hà dicisu, par via di raghjoni parsunali, d'ùn pighjà micca a successioni di Claude Makélélé. L'uccasioni pà Pierre Marie Geronimi di vultà annant'à vuciati dinunziendu punti di vista sfarenti trà membri di u cumitatu direttori annant'à a scelta di Frédéric Antonetti, è di chjarificà l'affari, com'è pà ciò chì tocca a partenza di Frédéric Hantz calchì mesi fà. U presidenti di u Sporting adimetti dinò chì i sforzi erani stati cuncintrati annant'à Frédéric Antonetti è chì u club pighjarà u tempu di ssi calchì ghjornu à vena pà truvà un intrenori novu.
Steti à senta à Pierre Marie Geronimi.
