Le projet Corsica Marittima se précise
(A redazzioni d'Alta Frequenza) - A Corsica sunnieghja di una cumpagnia regiunali, a faremi. Eccu ciò ch'elli dicini, à pocu pressu, tutti i capi intrapresa aduniti ind'u consortium Corsica Marittima. Cù à a so presidenza Pierre Anchetti, quissu quì s'hè purtatu com'è candidatu à a ripresa di a SNCM. U scopu : securizà u trasportu di marcanzii trà a Corsica è u cuntinenti cù una cumpagnia stabuli, pà ssu consortium chì adunisci 60% di ciò chì hè traspurtatu di marcanzii à u nivellu corsu. Un scopu chì spiega a scelta franca è chajra dighjà pronta in casu di ripresa : fà passà solu i marcanzii pà Marseghja, piattaforma logica, sicondu ss'intraprenadori, trà u cuntinenti è a Corsica. Malgradu tuttu, s'è u tribunali di cummerciu di Marseghja attribuisci a cumpagnia à un antru uparatori à a fin di sittembri, u prughjettu hà da cuntinuà listessu parchì s'è u fattu di pudè ripighjà a SNCM sarà un acceleratori in più sicuru, Corsica Marittima nasciarà ancu senza. È pocu impremi a sorti, navigarà cù a bandera francesi di prima righjistru.
Steti à senta à Pascal Trojani, traspurtadori chì faci parti di ssu prughjettu.
Sur le même sujet
