Le ras-le-bol des RASED
(A redazzioni d'Alta Frequenza) - I RASED, torna un sigulu, tutalmenti scunnisciutu da u più grandi numaru, chì spunta davanti à noi com'è un puntu chì disturba. Ci vularia à dì piuttostu U Rased, parchì si tratta di a Reta d'Aiuti Spicializati ver di l'Elevi in Difficultà, una reta chì devi arricà un aiutu à u nivellu pedagogicu, rieducativu è psicologicu à qualsiasi zitellu chì n'hà u bisognu, è què ind'u mezu sculari. Particularmenti minacciati da a pulitica di riduzzioni di l'effettivi inde l'educazioni naziunali, issi posti di RASED, si sà, custitueghjini u puntu di fiascu maiò di u cunflittu chì upponi in Corsica Suprana u cullettivu pà a difesa di a scola à l'amministrazioni retturali. Arimani (marcuri), mentri chì si tinia davanti à l'ispizzioni accademica di Bastia una manifestazioni d'uppusizioni à a pulitica attuali, u rettori di Corsica firmava una cunvenzioni di partenariatu cù u mezu assuciativu, u gruppu A Stella, duva ci hè frà altru l'I.M.E, l'Istituri Medico Educativi. Mutualizà i mezi! Hè u scopu più cà mai dimustratu da Michel Barat, è a ci hà ditta.
Écoutez Michel Barat
Sur le même sujet
