Le recours d'Yvan Colonna contre son transfert d'Arles à Réau rejeté
(A redazzioni d'Alta Frequenza) - U ghjudici di i "référés" di u tribunali amministrativu di Parighji hà righjittatu oghji (luni) l'azzioni in ghjustizia d'Yvan Colonna contr'à u so trasferimentu u 12 di lugliu scorsu da a prighjoni d'Arles à quilla di Réau, in Seine et Marne. S'è u ghjudici hà ricunnisciutu chì ssu trasferimentu t'avia cunsiquenzi nant'à a vita di famighja di u prighjuneru, hà stimatu inveci chì i testimunianzi di trè prighjuneri anonimi sò bastati pà dimustrà u risicu di un'evasioni, sicondu unu di l'avucati d'Yvan Colonna, Patrice Spinosi. Yvan Colonna hà dicisu d'andà in cassazioni davanti à u Cunsighju di Statu.
Sur le même sujet
