Le Rinnovu tape du poing sur la table devant le projet institutionnel proposé
(A redazzioni d'Alta Frequenza) - Prughjettu à l'appiattu, prughjettu pà l'iniziati, trappula ridicula di u guvernu, cunfusu, tennocraticu, falsu. A lista di i rimprovari contr'à u prughjettu istituziunali prisintatu l'11 di dicembri à l'eletti di l'Assemblea di Corsica hè longa ed hè stata fatta da u Rinnovu chì hà annunziatu ch'ellu ùn vutarà micca ssu prughjettu grazia à u so elettu tarrituriali, Paul Félix Benedetti. Ssu prughjettu, sicondu u Rinnovu ind'u filu di l'avisi di a ministra di a Dicintralisazioni Marylise Lebranchu annant'à ssu sughjettu, lacaria a Corsica in un architettura istituziunali medievali è rimpiazzaria i cunsighji generali da altri istanzi simuli. In fatti, ssu prughjettu mantinaria un'Assemblea di Corsica à 51 membri è criaria dui Camari di i Tarritorii furmalizati in stabilimenti publichi di 27 membri in Bastia è di 24 membri in Aiacciu cù un terzu chì saria sceltu da l'eletti di l'Assemblea di Corsica. Una pussibilità chì ùn hè mancu appena in leia cù i brami di u Rinnovu chì voli una camara unica di 51 eletti cù un'alizzioni prupurziunali, è intercumunalità rinfurzati com'è un nivellu di vicinanza, è di manera più glubali una riforma statutaria simuli à quilla ch'ella hà pussutu cunnoscia a Sardegna par asempiu.
Steti à senta à Paul Félix Benedetti pà u Rinnovu.
Sur le même sujet
