Le SC Bastia réagit suite à des articles de presse concernant Bastia - OM
(A redazzioni d'Alta Frequenza) - U Sporting Club di Bastia hà fattu un risultatu à paru, sabbatu, contr'à l'Olympique de Marseille, 0-0. Ma torna una volta, l'articuli di certi ghjurnali naziunali si sò cuncintrati nant'à ciò chì ùn hà nulla à chì veda cù u sport, par asempiu u cumpurtamentu di u publicu. Parolli chì ani fattu riagiscia u Sporting. U club dici chì hè cù "surpresa chì [u club hà] presu cunniscenza [...] ind'u ghjurnali spurtivu francesi u più impurtanti, di parolli contr'à u SCB di calchì ghjurnalistu, certi essendu mancu prisenti à u stadiu", cuntendu "un ambiu di fin di u mondu". Critichendu "un prucedimentu micca abituali è vargugnosu, postu ch'ellu hè falsu è parziali", u club dà in ssu cumunicatu u raportu di u dilegatu ammintendu "8 fumigeni è 1 fulganu accesi nentru à u stadiu nanzi à u scontru, è un striscionu uffensivu mustratu duranti una vintina di minuti". U club dici chì "ssi fatti chì ùn devini micca essa minimizati, accadini tutti i dumenicati nant'à tutti i tarreni guasgi, senza chì nimu dicessi calcosa", è parla di "boucliers" di prutezzioni utilizati pà i corners di l'avversarii, usu criticatu nentru à ss'articuli; usu "ammintatu di modu sistematicu duranti ogni riunioni di securità nanzi à i partiti è cù l'ufficiali di a LFP, senza ch'ellu ci sia nisun cumentu."
