Le SCB "reçoit" Rennes demain à Gueugnon
(A redazzioni d'Alta Frequenza) - Issa dumenica à 2 ori, u Sporting Club di Bastia hà da riceva u Stade Rennais ind'u quadru di a 21a ghjurnata di Lega 1. Una reccezzioni assai particulari postu ch'ella si farà torna una volta à più di 600 chilometri di Bastia, ind'u stadiu Jean Laville di Gueugnon, dopu à a suspensioni di u stadiu Armand Cesari da a Lega di Ballò Prufessiunali. Da u cantu brittonu, dopu à dui disfatti frà i quali una in cuppa di Francia contr'à una squadra di Lega 2, a qualificazioni in finali di a Cuppa di a Lega buscata cù a manera contr'à Montpellier avarà fattu prò à tuttu u mondu. Ma ci voli à fà casu, postu chì quissi quì pudariani soffra à u nivellu fisicu, dopu avè ghjucatu una partita in mità di settimana. Da u cantu di u Sporting, dopu à dui vittorii in campiunatu, a spera di fà ni una terza à a fila sarà prisenti, ancu puru s'è u staff tennicu è i ghjucadori sò bè cuscenti chì a sfida hè più difficiuli cà contr'à Nancy o Reims.
Sur le même sujet
