Le secteur corse du BTP veut en finir avec le travail dissimulé et la concurrence déloyale
(A redazzioni d'Alta Frequenza) - A lotta contr'à u travaghju à u neru è a cuncurrenza micca leali ind'u settori di a custruzzioni, una lotta permanenti in Corsica com'è in altrò. Ssu settori ecunomicu, chì cunnosci di più in più difficultà inde l'isula, vedi dinò impeghjuriscia a situazioni di l'impiegu dipoi parechji mesi. Pà pruvà à falla finita cù ssa famosa cuncurrenza micca leali è ciò ch'è no chjamemi di manera cumuna u travaghju à u neru, una cunvenzioni di partenariatu hè stata firmata ssu marti trà u Statu, i so sfarenti servizi (pulizza, gendarmeria...), l'urganisimi suciali è i federazioni dipartimintali di u BTP. Prima di ditaglià cù pricisioni tuttu u dispusitivu di lotta, cuncitremuci puru annant'à u parè di i prufiziunali di u settori. Ss'ultimi sperani chì ssa cunvenzioni ùn sarà micca calcosa di vanu pà pudè luttà contr'à ssu veru dannu chì raprisenta perditi finanziarii sprupusitati pà tutti l'attori cuncirnati.
Steti à senta u presidenti di a Federazioni di u BTP di Corsica Suttana, François Perrino, chì faci sapè a so scuntintezza forti cuncirnendu ssa prublematica.
