Le sénateur Jean-Jacques Panunzi saisit la ministre de la Santé à propos de la clinique de l’Ospedale
(A ridazzioni d'Alta Frequenza) - Si hè fattu senta u sinatori Jean-Jacques Panunzi, à u sughjettu lli finanzi lla clinica di Portivechju, chì impinsiriscini è dani à matriculà. Hà dicisu di chjamà ni à a ministra di a saluta è di i sulidarità, Agnès Buzin. « L’aghju intarpillata, chì a situazioni finanzaria lla clinica pighjurisci. Senza mezi, a variatezza lli curi pruposti hà da calà monda, in ciò chì hè u solu stabbilimentu di saluta di a terza cità di Corsica, in un circondu chì hè guasgi un disertu midicali », scrivi Jean-Jacques Panunzi. Ramintemu chì u dirittori di l’agenza righjunali lla saluta di Corsica, hà ricunnisciutu un debbitu di più di dui milliona d’auri ch’iddu devi u statu, è hà rigritatu ch’idd’ùn ci sichini i mezi, almenu ch’idd’ùn doca, u guvernu, un ghjudiziu favurevuli ». « A clinica issendu à punti stremi, issu ghjudiziu hè nicissariu, ed hè par quissa ch’aghju dumandatu à a ministra ch’idda sichi presa una dicisioni in issu sensu », hà dittu in chjudenda u sinatori, chì hà chersu ancu un appuntamentu.
Sur le même sujet
