Le STC bloque à quai le Pascal Paoli de la SNCM à Bastia
(A redazzioni d'Alta Frequenza) - Dopu à un'assemblea ghjinirali di u parsunali ssu marti di mani, u STC di i marinari di a SNCM hà dicisu di bluccà ind'u portu è d'occupà, com'è un simbulu, u Pasquale Paoli in Bastia. I rivindicazioni di u STC sò simplici, ricumprà quattru battelli di a cumpagnia; cumpagnia chì pudaria cunnoscia da quì à pocu una liquidazioni ghjudiziaria da a Cullettività Tarrituriali di Corsica. U STC aspetta dunqua duranti a sissioni di l'assemblea di Corsica urganizata ghjovi un segnu forti di a CTC, chì pà u sindicatu hà dighjà fattu sapè a so vulintà d'andà ver di ssu mudellu di cumpagnia righjunali è si devi mova u più prestu pussibuli dunqua oramai pà fà u muntami finanziariu di un'uparazioni simuli. U STC t'hà a paura chì ssi battelli partissini in mani gattivi pà contu soiu com'è quilli di Veolia, s'è a CTC ùn li duvia micca ripighjà.
Steti à senta à Alanu Mosconi.
