Le STC de l'Eveil demande le départ des dirigeants et une table ronde
(A redazzioni d'Alta Frequenza) - Dopu avè piantatu un tempu u travaghju duranti u mesi di lugliu scorsu, u STC di l'associu l'Eveil, chì impiega centu è sissanta parsoni senza cuntà i CDD, faci sapè a so scuntintezza di pettu à a situazioni suciali nentru à l'associu. Rispettu di u codeci di u travaghju è trasparenza ùn sò micca sempri quì sicondu i sindicati, chì dinunziani a scimità d'avè impiegatu un direttori di transizioni ghjunghjendu da u nordu di a Francia, una missioni chì saria custata sicondu u sindicatu guasgi 100 000 auri in sei mesi à l'Eveil chì ùn hà ancu direttori generali dunqua. In più di què, i rilazioni di u parsunali cù ssu direttori di transizioni sariani, sempri sicondu u sindicatu, assai difficiuli. Dinò, l'impieghi d'amichi è i numinazioni di membri da membri dighjà in postu sariani maestri ind'a presidenza di l'associu d'appressu à u STC chì dinunzia, par asempiu, u ricusu di a candidatura à un postu permanenti di un psicologu chì travaghja dipoi un annu in rimpiazzamentu di un antru psicologu di a struttura.
Steti à senta à Frédérique Albertini pà u STC di l'Eveil.
Sur le même sujet
