Le STC de la SNCM dénonce un accord implicite entre Etat, CTC et repreneur
(A redazzioni d'Alta Frequenza) - Un accordu micca ufficiali è implicitu trà u Statu, a maghjurità tarrituriali è un prupietariu novu pussibuli dopu à l'addirizzamentu ghjudiziariu pà appurà i debbiti strutturali di a cumpagnia com'è l'amenda aurupea di a SNCM, eccu ciò ch'ellu hà dinunziatu u STC duranti una cunfarenza di stampa stamani (marti) in Bastia. Di fattu, a privatisazioni tutali di a cumpagnia grazia à un armatori marsighjesu sicondu u STC in bunissimi rilazioni d'affari cù u Statu saria pussibuli è u sindicatu ci dici di manera putenti innò. Malgradu u tempu cortu chì ferma, hè torna a suluzioni di una sucità publica lucali chì u STC voli veda scelta, cù un argumentariu riccu dimustrendu chì ssa suluzioni faria prò à a Corsica, cù cunvergenzi amintati cù i CFC. Paul Giacobbi hè statu toccu di manera diretta da u STC, chì ghjudicheghja ch'ellu faria un sbagliu puliticu s'ellu duvia sceglia un'antra suluzioni. U sindicatu hà fattu sapè dinò chì s'ellu era ubligatu à luttà par via di u scempiu suciali chì s'avvicina, ùn si faria micca prigà pà falla.
Steti à senta à Alanu Mosconi pà u STC.
Sur le même sujet
