Le STC des Chemins de Fer s'exprime suite à la grève des cheminots CGT
(A redazzioni d’Alta Frequenza) - U troppu stroppia, era appena u spiritu di a cunfarenza di stampa di u STC Caminu di Farru dopu à a fin di a greva purtata da a CGT, una greva di diciassetti ghjorni. È s’è duranti a greva, pà carattaru eticu suciali, u STC hà sceltu di stà mutu nant’à issu cunflittu, oghji l’affari hè tuttu altru cù un puntu di vista assai traputenti nant’à ciò chì s’hè passatu. Rammintemi prima punti di u statutu suciali firmatu da u STC è cuntistatu da a CGT, com’è a guaranzia d’impiecu permanenti, o a paga mezana di 2000 auri à u mesi uttenuta, u STC si n’hè presu dopu à a CGT, ma dinò à u presidenti di i CFC, Michel Stefani. Pà ciò chì tocca à u sindicatu minuritariu, quissu quì hè accusatu d’avè vulsutu ripighjà a suprana sindicali è d’avè « appititti curpuratisti ». Michel Stefani, pà contu soiu, hè mustratu di manera pessima, com’è avendu cuntribuitu à l’urganisazioni di a prufessiunalisazioni di u muvimentu di greva, fendu pagà 15 ghjorni di greva nant’à 17, u STC vulendu ind’un trattu d’irunia chì quissu quì divintessi, ind’una Corsica indipendenti, ministru di u travaghju è di l’affari suciali. Infini, un missaghju hè statu mandatu à Paul Marie Bartoli : u STC rializarà a pulitica di a carrega biota in casu di neguziazioni novi è diciarà d’innò à qualsiasi statutu novu, mentri chì quissu quì ind’i fatti, à parè di u STC, si pò appiecà à partasi di u 1a d’aprili chì veni parchì firmatu da Paul Marie Bartoli è u sindicatu maghjuritariu.
On écoute le délégué syndical du STC des Chemins de Fer, Charles Finidori.
Sur le même sujet
