Le STC des marins confirme sa position en faveur d'une société publique locale
(A redazzioni d'Alta Frequenza) - U STC di i marinari, duranti una cunfarenza di stampa, hè vultatu annnat'à parechji cartulari chì facini l'attualità di a SNCM. Prima, a numinazioni oghji d'Olivier Diehl à a direzzioni di a cumpagnia ùn cambia nulla pà u sindicatu chì pensa chì l'avvena di a cumpagnia ùn sarà micca altru dopu à què. Altru cartulari, quillu di u pussibuli futuru pruprietariu americanu, Baja Ferries. Insistendu annnant'à l'incuerenza di u prughjettu industriali di ss'ultimu, arrimbatu à i ferries chì ùn sò micca u puntu numaru unu di a dilegazioni di serviziu publicu, u STC u qualificheghja di "novu pagliacciu" ind'u cartulari. L'avvena di a cumpagnia hè statu ammintatu dinò, è par asempiu a so fini chì pari ghjunghja à mezu o ancu cortu andà. A suluzioni pruposta da Paul Giacobbi di una sucità d'ecunumia mista chì saria pruprietaria di i quattru battelli chì custituiscini a cuntinuità tarrituriali è chì vidaria a so sfruttera dilegata à una sucità di fora, forsa STEF-TFE pruprietaria di a CMN, ùn cunvinci micca u STC. U sindicatu batti piuttostu à prò di una sucità publica lucali, chì saria pruprietaria di i battelli ma chì i gistisciaria dinò, cù a pussibulità di metta una priurità annant'à l'impiegu lucali, vali à dì impiegà soprattuttu parsunali corsi di una SNCM chì saria tandu morta è intarrata.
Steti à senta à Alanu Mosconi pà u STC di i marinari.
Sur le même sujet
