Le syndicat SAMMM de la Corsica Linea dénonce une concurrence déloyale de la Méridionale sur le fret à L'Île-Rousse
À parta si da u sei d’aprili, a cumpagnia « La Méridionale » hà da prupona, trè volti à sittimana, un traghjettu trà Lisula è Tulò, fora di u quadru llu sirviziu publicu.
Issa nova inzirica i marinari di u sindicatu SAMMM di a Corsica Linea.
Dicini quissi chì, fatti i virifichi, « La Méridionale » ùn hà da avvià solu i passaghjeri, ma ancu a marcansia.
U trasportu di i passaghjeri ùn disturba u sindicatu. Ma quiddu di a marcansia saria un’anchitta à a diligazioni di sirviziu publicu attribuita à a Corsica Linea, fendu li una perfida cuncurrenza. Temi, u sindicatu, chì l’apartura d’issu traghjettu doca à a Corsica Ferries a pussibilità di rinfurzà i so cuntistazioni.
U sindicatu SAMMM brama d’essa ricivutu prestu da Flora Mattei, a prisidenti di l’Uffiziu di i Trasporti. Vurria ancu chì a Cullittività di Corsica ramenti à « La Méridionale » i so ublicazioni.
Steti à senta à Antoine Sisco, diligatu sindicali SAMMM di a Corsica Linea.
Sur le même sujet
