Le TGI d'Ajaccio fait sa rentrée
(A redazzioni d'Alta Frequenza) - Bilanciu è perspettivi di un'annata ghjudiziaria. Eccu u riassuntu di l'audienza sulenna di riintrata di u Tribunali di Grandi Istanza d'Aiacciu. Quissa quì s'hè tinuta oghji (ghjovi), in prisenza di tutti l'attori di u mistieru in Corsica Suttana. L'uccasioni d'ammintà i sciffri di a delinquenza, u numaru d'affari trattati da a ghjuridizzioni, i sciffri di resoluzioni, a cartugraffia di l'affari, ma dinò i mezi à dispuzioni di a ghjustizia. Mentri chì a ministra di a Ghjustizia era ghjunta in Corsica, dopu à l'assassiniu di Me Antoine Sollacaro, pà prisintà a so circularia di pulitica penali particulari, è mentri chì Christiane Taubira avia parlatu dinò di a necessità di dà di più mezi pà un'efficacità più maiò, pari chì u tribunali d'Aiacciu, ùn sighi micca cusì bè trattatu. U prucuratori di a Republica, hà rigrittatu u fattu chì a so istanza t'hà un ghjudici in menu, ciò chì ùn aiuta micca pà u trattamentu di l'affari. Senza fà ni troppu, ci hà datu u so parè.
Explications et précisions de Xavier Bonhomme.
