Le TGI de Bastia donne partiellement raison au STC face aux Chemins de Fer de la Corse
(A redazzioni d'Alta Frequenza) - In principiu di dopu meziornu, ssu marti, u Tribunali di Grandi Istanza di Bastia hà fattu cunnoscia a so dicisioni dopu à l'azzioni in ghjustizia di u STC di i Camini di Farru contr'à a direzzioni ghjinirali di i Camini di Farru di a Corsica. Una dicisioni favurevuli di manera parziali pà u STC, parchì s'è nant'à certi punti, a cunvenzioni cullettiva firmata calchì mesi fà hè bè in ballu, nant'à altri punti, u tribunali hà stimatu chì a direzzioni ghjinirali di i CFC ùn avia micca missu in appiecazioni a cunvenzioni cullettiva. U latu u più cuncirnatu hè quillu di i ritirati, di a previdenza è di i mutuali di l'impiecati inde l'intrapresa. U tribunali hà cundannatu dinò i CFC à virsà 2000 auri à u STC. S'ella hè una vittoria, ssa cundanna ùn hè micca malgradu tuttu una suluzioni à tuttu, parchì u STC aspetta quantunqua chì l'appiecazioni di ssi punti di a cunvenzioni cullettiva si fessi è chì raporti più nurmalizati si mittissini in piazza cù a direzzioni di i CFC.
Ecoutez Jean Brignole pour le STC.
Sur le même sujet
