Le tourisme plus que jamais locomotive de l'économie corse selon l'INSEE
(A redazzioni d'Alta Frequenza) - U turisimu, più cà mai u mutori di l'ecunumia corsa ! Un affari chì vali à più pudè à a fin di una staghjoni turistica chì si compii. Chì si compii, ma semi quantunqua u 9 d'uttrovi, a prova si n'hè chì a tindenza bramata dipoi parechji anni, ssa famosa allarghera di a staghjoni, ùn hè più solu una pinsata. Cù 35 millioni di nuttati ogni annu dipoi u 2009, si pò dì chì u turisimu corsu hà trovu u so ritimu, è què in un cuntestu ecunomicu generali assai difficiuli. Altra nutizia bona, u turisimu corsu pesa oghji pà 31% in u Pruduttu Internu di l'isula, vali à dì a so ricchezza, assai sopra a media naziunali. In fatti, i turisti spendini in media 2,5 milliardi d'auri pà i so vacanzi in Corsica, ma l'INSEE chì hà rializatu pocu fà un studiu impurtanti annant'à ssu tema, custata chì u trasportu è l'alloghju pighjani una parti troppu impurtanti in u so bughjettu di pettu ad altri lochi. In media inde l'isula, un impiegu annant'à deci hè liatu à u turisimu è cù l'allarghera di a staghjoni, raprisenta guasgi 11% di l'impiegu regiunali, bellu davanti à a media naziunali. S'ella s'allonga a staghjoni, u custatu si faci annant'à i sciffri nanzi è dopu a staghjoni, ferma torna largamenti cundiziunata da i vacanzi sculari. Fora di i mesi d'istati, l'avviò hè divintatu oghji u traspurtadori principali di l'isula è a tindenza si cunfirmeghja di più in più.
Steti à senta à Magali Bonnefont, chì hà rializatu frà altri ss'inchiesta pà i servizi di l'INSEE.
Sur le même sujet
