Le traitement des demandes de passeports et de naturalisations centralisé à Bastia
(A redazzioni d'Alta Frequenza) - A cintralisazioni amministrativa ùn hè micca risirvata à a prifittura di a regioni. In fatti, dipoi sta sittimana, u trattamentu di tutti i dumandi di passaportu fatti in Corsica hè rializatu ind'i lucali di a prifittura di Corsica Suprana, in Bastia. Grazia à a dematirialisazioni di i ducumenti nicissarii, ssu cambiamentu ùn hà nisun effettu nant'à a parsona chì dumanda un passaportu, chì andarà sempri ind'i listessi lochi cà prima pà fà a so dumanda è chì u pudarà riguarà sempri induv'ella t'avia l'abitudina di falla prima. Dinò, à partasi di u mesi d'aprili, i stragneri chì farani una dumanda di naturalisazioni duvarani andà in Bastia, chì hà da cintralizà dinò ssa prublematica. Ecunumii è efficacità in più, eccu i vantaghji di ss'iniziativa sicondu u prifettu di Corsica Suprana.
Steti à senta à Alain Rousseau.
